Hamlet litli

Heiti verks
Hamlet litli

Lengd verks
Uþb 1 klst

Tegund
Sviðsverk

Um verkið
Þegar Hamlet litli missir föður sinn er hann harmi sleginn og fer að haga sér stórfurðulega. Ekki batnar það þegar mamma hans ætlar örfáum dögum eftir útförina að giftast bróður pabba hans – og bróðirinn hefur örugglega eitthvað óhreint í pokahorninu. Óbærilegt verður þó ástandið þegar bestu vinir hans eru fengnir til að njósna um hann. Þau halda öll að hann sé að fara á límingunum. En hver myndi ekki fá að minnsta kosti vægt taugaáfall við þessar aðstæður?

Bergur Þór Ingólfsson, leikstjóri Galdrakarlsins í Oz og Mary Poppins, færir þennan risastóra harmleik á Litla sviðið þar sem sjónarhorni hins litla Hamlets verður beint að áhorfendum. Sorgin yfir föðurmissi, óttinn við að missa móður og brostið traust til vina. Eitt þessara áfalla ætti að vera nóg til að trufla tilfinningalíf fullorðinnar manneskju, hvað þá ungrar sálar. Hér verður þó leikið á als oddi. Hugarheimur barnsins býr yfir ótal verkfærum til að takast á við áföll, sorgir og jafnvel stríð. Það gerir leikhúsið líka.

Sviðssetning
Borgarleikhúsið Litla svið

Frumsýningardagur
12. apríl, 2014

Frumsýningarstaður
Borgarleikhús Litla svið

Leikskáld
Bergur Þór Ingólfsson

Leikstjóri
Bergur Þór Ingólfsson

Tónskáld
Kristjana Stefánsdóttir

Hljóðmynd
Ólafur Örn Thoroddsen / Kristjana Stefánsdóttir

Lýsing
Garðar Borgþórsson / Björn Bergsteinn Guðmundsson

Búningahönnuður
Sigríður Sunna Reynisdóttir

Leikmynd
Sigríður Sunna Reynisdóttir

Leikarar
Sigurður Þór Óskarsson

Leikkonur
Kristín Þóra Haraldsdóttir
Kristjana Stefánsdóttir

Vefsíða leikhóps/leikhúss eða aðrir tenglar
www.borgarleikhus.is
www.borgarleikhus.is/syningar/hamlet-litli